Këtë deklaratë ai e ka bërë për televizionin rus “Zvezda” ku ka fajësuar Perëndimin se “po shkon kundër historisë”.
Sipas tij, Perëndimi është i gatshëm të njohë pavarësinë e shpallur ilegalisht, pa asnjë referendum, në mënyrë të njëanshme, siç ishte rasti me Kosovën
“Vendet perëndimore në mënyrë të njëanshme e njohin Kosovën si shtet të pavarur, sepse u shkon për shtat…Perëndimi, në përpjekje për të ruajtur dominimin dhe për të shkuar kundër rrjedhës objektive të historisë, refuzon të drejtën ndërkombëtare. Rregullat janë shpikur në varësi të detyrës specifike. Kur të jetë e nevojshme, Perëndimi është i gatshëm të njohë pavarësinë e shpallur ilegalisht, pa asnjë referendum, në mënyrë të njëanshme, siç ishte rasti me Kosovën”, ka deklaruar Lavrov, përcjellë teve1.info.
Ai po ashtu thotë se, kur nuk i përshtatet Perëndimit të njohë një vend, nuk e bën këtë. Sipas tij kështu ndodhi me Krimenë.
