Ish-ambasadori i Shqipërisë në Kosovë, Islam Lauka thotë se kjo çështje është e zgjidhur.
Tutje në emisionin “ResPublika” me Zijadin Gashin në Tëvë1, ai ka thënë se kryeministri shqiptar, Edi Rama e di edhe emrin se kush do të udhëheqë pas Metës me presidencën shqiptare.
“Çështja e presidentit është zgjidhur në gjykimin tim, Edi Rama e ka emrin e krejt se kush do të jetë, tani ato propozimet që bëhen se ja duhet të jetë kështu, jo ashtu, njëri thotë duhet të jetë e kundërta e Ilir Metës tjetri me këto parametra, Edi Rama ka thënë se mund të jetë i Kosovës, janë lojëra politike nuk kanë asnjë vlerë. Mund të jetë edhe i Kosovës, Edi Rama ka propozuar në Parlament në Prishtinë që pse mos të kemi një president të unifikuar ka shku më tej Kosova dhe Shqipëria ta kenë një president, që është një bllof prej disa bllofeve të tij”, shtoi ai./teve1.info/
