Ambasadori i parë i Shqipërisë në Kosovë, Islam Lauka ka thënë se veprimet e Qeverisë Kurti sa i përket veriut kanë qenë jetike për Kosovën.
Sipas tij, lidhur me këto veprime opozita në Kosovë ka spekuluar për interesa të saj dhe aleatët për ta përkëdhelur Vuçiqin.
Lauka ka vlerësuar atë siç ka thënë se ka ditur të thotë jo edhe ndaj aleatëve kur është fjala interesin e shtetit.
“Ka një keqkuptim, në Kosovë opozita spekulon për interesat e saj dhe aleatët për të përkëdhel Vuçiqin. Në gjykimin tim, jo pse Albin Kurti është i pa kritikueshëm dhe këshilla ime do të ishte që të merret vesh, por çështjet për të cilat ka luftuar, Albin Kurti sidomos në veri, kanë qenë dhe janë, jo çështje të dorës së dytë, po çështje jetike që lidhen me ekzistencën ose jo të shtetit të Kosovës. Dhe për këto çështje jetike politikani, shtetari serioz duhet me ditë më thanë jo edhe mikut edhe partnerit. Sepse ka shumë interesa që ai miku, partneri në një moment i neglizhon tuat, i s’poston dhe i qetë në vend të dytë se ka ca tjera që i qet në planë të parë, në rastin konkret aleatët tanë ShBA dhe BE-ja kanë nxjerrë në planë të parë Ukrainën dhe luftën kundër Putinit. Merita e Albin Kurtit këtu është që u ka thënë jo”, ka thënë Lauka.
Megjithatë, ai ka thënë se Kurti do duhej të ishte më diplomatik me partnerët sa i përket veprimeve në veri.
“Duhej treguar pak më elastik, se në jemi shtet i vogël edhe Kosova edhe Shqipëria. Kemi nevojë për mbështetje për miq, jo për kundërshtarë. Një elasticitet më i madh nga ana e tij do duhej të ishte, por unë nuk thanë se ka bërë keq në çështjet e veriut”, ka thënë ai.
