Ai ka thënë se vonimi i saj edhe më shumë do të dëmtonte komunat.
“Ne po hyjmë në gjysmën e gushtit dhe ende nuk e kemi qarkoren e dytë buxhetore, ndërsa afati i fundit për miratimin e buxhetit nga asambletë komunale është 30 shtatori. I bëjë thirrje Ministrisë së Financave ta dërgojë sa më shpejtë. Vonesat mund të na shkaktojnë komplikime”, ka thënë Latifi në emisionin “Ditari” në Tëvë1.
Kreu i Rahovecit ka folur edhe për bashkëpunimin me Qeverinë, duke thënë se në takimin e zhvilluar në Prevallë të thirrur nga ekzekutivi me kryetarët e komunave kanë diskutuar për ngritjen e çmimeve dhe kontratat e nënshkruara para ngritjes së çmimeve.
Ai ka thënë se kanë ngecje në zhvillimin e projekteve qoftë ato që janë nënshkruar nga komuna por edhe nga Qeveria.
Latifi ka thënë se nuk ka vërejtur ndonjë diskimin nga Qeveria në bazë të udhëheqjes partiake, por thotë se investimet janë të pakta nga të gjitha komunat.
“Nuk e kamë dëgjuar ndonjë ministër të jetë deklaruar për një gjë të tillë. Ka ngecje të investimeve publike në të gjitha komunat”, ka thënë Latifi.
Forumi i komunave të udhëhequra nga Aleanca për Ardhmërinë e Kosovës, thotë se është i bazuar nga statuti i partisë. Por ai thotë se kjo nuk do të ndikojë në bashkëpunimin me Asociacionin e Komunave të Kosovës.