Në këtë takim, Latifi u njoftua për Kujdesin Primar Shëndetësor në këtë komunë dhe po ashtu edhe për nevojat që i ka shëndetësia e Pejës.
Përmes një njoftimi për media nga MSH-ja kanë thënë se theks të veçnatë, në këtë takim iu dha procesit të vaksinimit, sidomos inkurajimin dhe ndërgjegjësimin e mëtejmë të qytetarëve që të vaksinohen, pasi që sipas Latifit, vaksinimi është e vetmja rrugë për tu mbrojtur nga infektimi nga COVID-19.
“Po ashtu, në këtë takim u diskutua edhe për projektet shëndetësore, në veçanti për vazhdimin e ndërtimit të Qendrës së Trajnimeve, që do t’i shërbejë gjithë stafit shëndetësor! Ministri Latifi u zotua se do të jetë në mbështetje të vazhdueshme për përmirësimin e kujdesit shëndetësor në këtë komunë’, thuhet në njoftim.
Ndërkaq, kryetari i Pejës, Gazmend Muhaxheri falënderoj Latifin për vizitën dhe për mbështetjen e bashkëpunimin mes Ministrisë dhe Komunës, me qëllim të ofrimit të shërbimeve sa më cilësore shëndetësore për qytetarët. /teve1.info/
