Kryetari i Rahovecit, Smajl Latifit është shprehur i bindur se komunat do ta fitojnë betejën me nivelin qendror lidhur marrjen e mjeteve komunave për Kontratën Kolektive.
Ai ka thënë se kanë disktuar me orë të tëra me kryeministrin në detyrë, Albin Kurti dhe ministrin në detyrë të Financave , Hekuran Murati për këtë problem por nuk kanë arritur ndonjë marrëveshje.
Latifi ka thënë se komuna që ai drejton është në mesin e 26 komunave që kanë dërguar padi.
“Çështja është në Gjykatën Komerciale dhe nuk kemi përgjigje. Ja bindur, në bazë të një logjike të shëndoshë, ligjeve tona, jam i bindur që do ta fitojmë betejën ligjore dhe ato mjete do të rimbursohen. Vonesën e përgjigjes, uroj të jetë paragjykim e kemi për shkak ndoshta se shteti e ka për detyrë me i kthyer mjetet e marra komunave dhe duhet të jap përgjigje”, ka thënë ai.
