Latifi në emisionin “De Jure”, tha se të dy rastet ndaj tij janë të montuara, me qëllim ndëshkimi për organizimin e grevës.
“Në momentin kur ka ardhur shefi i ndërrimit në mëngjes rreth orës 06:00, neve i kemi pasur të ndërruara karriget, unë kam qenë prej kësaj karrige të skenimit në karrigen tjetër të sigurimit dhe kur erdh shefi i ndërrimit tha ju nuk qenkeni në vendin e punës, thash qysh nuk jemi në vendin e punës, ky është vendi i punës, si në atë karrige, si në këtë karrige në një tavolinë jemi. Jo, ju i keni të caktuara dhe fillimisht ai ka ardhur duke menduar kur e ka bërë raportin përfundimtar ditor ai nuk ka cekur kurrgjë, ka thënë gjithçka në rregull është sepse edhe në rregull se sot e kësaj dite bëhet, është interesant a je në këtë karrige, mirëpo mbasi ka ardhur pas dy dite të pushimeve javore si duket presioni prej së larti e ka shty me e ndërru raportin dhe e ka bërë një raport tjetër me datë 27 shtator 2020, që kryetari i Sindikatës ose më mirë Bashkim Latifi ka bërë keqpërdorim të vendit të punës, duke e rrezikuar sigurinë e aeroportit. Kështu është ajo ngjarja dhe na kanë qitë në komision të dyve, na e kanë dhënë vërejtjen e fundit për atë punë”, tha ai në emisionin “De Jure” në Tëvë1.
Edhe për rastin e dytë, Latifi thotë se i është montuar, me qëllimin e vetëm që të ndëshkohet si kryetar i Sindikatës.
“32 minuta na i kemi këqyr kamerat, ti nuk je ulur në karrigen ku duhet të jesh, mirëpo ne kur nuk kemi udhëtarë, kur nuk kemi kontrolla, nuk është e thënë me qëndru veç në karrige 12 orë, çohemi prej karriges, i marrim shportat, i rregullojmë shportat, mirëpo në vend të punës kam qenë. Kam kërkuar edhe në komision disiplinor që urdhëroni faktomani me incizim, sepse ai vend krejt është nën vëzhgim të kamerave, nëse Bashkim Latifi operator i skenimit e ka lëshuar vendin e punës dhe nuk është 32 minuta në vend të punës, nuk jam në ambient të punës aty ku e sheh syri jem komplet atë vend të punës unë i marr dokumentet dhe shkoj në shtëpi. Ata përkundër kërkesës time që e kam bërë vazhdimisht nuk më kanë ofruar mundësinë me e shiku në komision disiplinor sikur për të tjerët punëtorë që i kanë lëshuar incizimet me e pa krejt ngjarjen, mua nuk ma kanë ofruar këtë. Kam tentuar boll, kam kërkuar boll, mirëpo nuk e kanë aprovuar. Vetëm këtë arsyetim e kanë pasur plot 32 minuta nuk ke qenë ulur në karrigen e vendit të punës”, tha tutje ai.
I njëjti shtoi se për të dyja rastet i është drejtuar Inspektoratit të Punës, ku shkalla e parë ka vendosur në favor të tij, derisa ende nuk ka një vendim të shkallës së dytë.
Për më shumë, ndiqeni hulumtimin “Hakmarrja e Limak-ut ndaj punëtorëve”, i cili transmetohet në Tëvë1 dhe “Betimi për Drejtësi”./Tëvë1/
