Fundori i Trepçës, amerikani Larry Thomas e ka fituar epitetin e basketbollistit më të mirë për xhiron e tetë në Superligën e Kosovës në basketboll.
FBK-ja, ka njoftuar të hënën se Thomas është nderuar me çmimin “MVP i Javës” për paraqitjen fantastike që e pati në ndeshjen e fundit të Trepçës në kampionat.
Thomas ishte ndër më të merituarit në fitoren e Trepçës ndaj Bashkimit 82:52, duke ia shkaktuar ekipit nga Prizreni humbjen e parë këtë edicion.
Thomas e pati indeksin 22 pasi ndeshjen e përfundoi me 15 pikë, 7 kërcime e 4 asistime, si dhe zuri vend gjithashtu edhe në pesëshen më të mirë të xhiros.
Pjesë e pesëshes më të mirë të xhiros ishte edhe lojtari tjetër i Trepçës, Malik Johnson që në triumfin ndaj Bashkimit regjistroi 15 pikë, 4 kërcime e 9 asistime.
Jasquez Yoë i Pejës që pati 13 pikë e 12 kërcime në fitoren ndaj Vëllaznimit është përfshirë në ekipin më të mirë, sikurse edhe Damiree Burns i Sigal Prishtinës dhe Arian Qallaku i Golden Eagle Yllit.
Burns realizoi 23 pikë, 18 kërcime e 1 asistim në fitoren e Prishtinës ndaj Prizrenit, ndërsa Qallaku pati 14 pikë, 4 kërcime e 1 asistim në triumfin e Yllit ndaj Borës.
