Para pak orësh janë hequr dy kamionët nga tre që kanë qenë në Lagjen e Boshnjakëve në veri, teksa para pak minutash u largua edhe kamioni i fundit dhe siç shihet edhe në fotografi tashmë rruga është e lirë për qarkullim raporton Teve1.info
Largimin e këtyre barrikadave e kanë bërë personat e maskuar që i kanë vendosur më parë ato.
Barrikadat e para në veri janë vendosur që nga data 10 dhjetor. Ndërkaq, largimi i tyre vjen pas thirrjeve të zyrtarëve serbë, pasi ish-polici Dejan Pantiq i akuzuar për terrorizëm nga paraburgimi është dërguar në arrest shtëpiak.
Barrikadat që kanë qenë të vendosura janë hequr edhe në fshatin Rudarë, teksa ajo rrugë është liruar për qarkullim.
Vendimin për heqjen e barrikadave në veri të Kosovës e ka mirëpritur KFOR-i si dhe Franca. Për largim të barrikadave ka reaguar edhe përfaqësuesi i Lartë i Bashkimit Evropian për Politikë të Jashtme e Siguri, Josep Borrell, i cili tha se dhuna nuk mund të jetë kurrë një zgjidhje. /Teve1.info/
