Inspektorati Qendror i Mbikëqyrjes së Tregut (IQMT) ka vazhduar inspektimet në treg lidhur me produktet e qumështit me bazë bimore, në zbatim të masave të ndërmarra nga AUV-i.
Sipas ministrisë, inspektimet janë zhvilluar në Prishtinë, Gjilan, Podujevë, Fushë-Kosovë, Obiliq dhe Suharekë.
Ministria ka bërë të ditur se gjatë ditës së sotme janë realizuar gjithsej 12 inspektime në markete të ndryshme, ku janë evidentuar produkte të ndaluara për shitje nga AUV.
Gjatë inspektimeve të sotme janë tërhequr nga tregu këto produkte:
- Schmand, VITA 18%, 180 g;
- Schmand, VITA 18%, 400 g;
- Schmand, VITA 18%, 800 g;
- Holla Cooking Cream, 1 L;
- Holla Barista, 3.8%, 1 L;
- Mazë tradicionale, DRENA, 1 kg;
- Schmand i freskët, BYLMETI.
Ministria ka theksuar se gjatë ditëve në vijim, inspektorët e IQMT-së do të fillojnë shqiptimin e gjobave, në përputhje me Ligjin Nr. 08/L-279 për Inspektoratin Qendror të Mbikëqyrjes së Tregut, ndaj operatorëve ekonomikë që ende nuk kanë bërë tërheqjen e produkteve të evidentuara si të papajtueshme me raportin e AUV-it./teve1.info/
