Mbrojtësi Aymeric Laporte do të jetë lojtari i radhës që do të largohet nga skuadra e Manchester Cityt gjatë kësaj vere. “Sky Sports” shkruan të hënën se Laporte tashmë është në kërkim të një ekipi të ri, pasi City e ka njoftuar se nuk bën pjesë në planet e trajnerit Pep Guardiola.
29-vjeçari ka kontratë me Cityn deri në vitin 2025 dhe kartoni i tij vlerësohet mbi 30 milionë euro.
Në garë të ngushtë për Laporten mësohet se janë Juventusi e Arsenali, duke pasur parasysh se Laporte ka refuzuar opsionin e rikthimit në La Liga.
Ai është pjesë e Cityt prej janarit të vitit 2018 dhe ka fituar pesë tituj kampioni të Anglisë, përfshirë këtu edhe një trofe të Ligës së Kampionëve. Edicionin e fundit Laporte ka regjistruar 24 paraqitje për Cityn në të gjitha garat.
