Mbrojtësi Aymeric Laporte kthehet tek Athletic Bilbao pas shtatë vjetësh, kanë njoftuar mediumet spanjolle.
Mësohet se Bilbao ka arritur marrëveshje me Al Nassr për Laporten, i cili ditëve në vijim do të prezantohet te skuadra baske pasi t’u nënshtrohet testeve mjekësore.
31-vjeçari largohet nga Al Nassr pasi ekipi nga Arabia Saudite e ka njoftuar se nuk llogarit në shërbimet e tij edhe pse ka kontratë deri në vitin 2026.
Laporte prej vitit 2023 ishte pjesë e Al Nassr, të cilit iu bashkua nga skuadra e Manchester Cityt.
Mbrojtësi spanjoll ka luajtur për Bilbaon prej vitit 2012 deri në janar të vitit 2018 kur u transferua te City për 30 milionë euro.
