Të martën në mëngjes në Drejtorinë e Përgjithshme të Policisë është bërë lansimi i projektit të hallkave për mbikëqyrje elektronike.
Në këtë ngjarje ka marrë pjesë kryeministri i Kosovës, Albin Kurti së bashku me ministrin e Punëve të Brendshme, Xhelal Sveçla dhe ministrja e Drejtësisë, Albulena Haxhiu.
Në këtë projekt është prezantuar sistemi i mbikëqyrjes elektronike të byzylykëve që do t’i vendosen personave që akuzohen për dhunë, si dhe viktimave.
Ndërkohë, Qeveria ka ndarë 600 mijë euro për blerjen e byzylykëve elektronik.
Ndryshe, tetë vite pas miratimit të ligjit për mbikëqyrje elektronike të dhunuesve, janë ndarë mjete nga Qeveria për blerjen e pajisjeve që kanë këtë funksion. Njohës të drejtësisë, vlerësojnë se përpos këtyre mjeteve, për zbatimin e këtij ligji nevojiten edhe trajnime për gjyqësorin./teve1.info/
