Shkencëtarët e Lawrence Berkeley National Laboratory dhe Universitetit të Kalifornisë kanë zhvilluar një mënyrë tërësisht të re për ftohjen e hapësirave dhe materialeve, të quajtur “cikli jonokalorik”, e publikuar në revistën Science.
Ndryshe nga sistemet aktuale që përdorin lëngje ftohëse me ndikim të lartë në ngrohjen globale, si hidrofluorokarbonet, kjo teknikë shfrytëzon mënyrën se si disa materiale thithin ose lirojnë energji gjatë ndryshimit të fazës, nga e ngurta në të lëngshme.
Në eksperiment, studiuesit përdorën kripë jodi dhe natriumi për të shkaktuar shkrirjen e një solventi organik përmes një tensioni më të vogël se 1 volt, duke arritur një ulje temperature prej 25°C.
Metoda shihet si më e sigurt dhe më miqësore me mjedisin, pasi solventi prodhohet nga dioksidi i karbonit, duke mundësuar një ndikim potencial neutral ose negativ në ngrohjen globale.
Ekipi kërkimor po punon për të përmirësuar përbërjet dhe për të lehtësuar teknologjinë për përdorim praktik, me synimin që në të ardhmen të zëvendësojë sistemet aktuale të ftohjes dhe të ndihmojë në uljen e përdorimit të frigoriferëve aktuale, sipas objektivave të marrëveshjes së Kigali-t.
Frigoriferi është një nga pajisjet më të rëndësishme në çdo kuzhinë.
E përdorim çdo ditë, por shumë prej nesh nuk e dinë se mund ta jemi duke e përdorur gabim.
Sipas një eksperti në TikTok, shumica e njerëzve neglizhojnë një pjesë shumë të rëndësishme të frigoriferit, rregullatorin e temperaturës, atë rrotullën me numra që ndodhet brenda pajisjes.
Injorimi i saj mund të çojë në prishjen më të shpejtë të ushqimeve, shfaqjen e lagështisë, grumbullimin e akullit dhe konsum më të lartë të energjisë elektrike.
Çdo frigorifer ka një rrotull (ose dial) të brendshme me numra, zakonisht nga 1 deri në 5 ose nga 1 deri në 7.
Shumë njerëz e rrotullojnë atë pa e ditur funksionin e saj real. Në fakt, ajo kontrollon kohën që kompresori punon, duke ndikuar kështu në temperaturën e brendshme.
Nëse e vendos gabim, mund të kesh këto pasoja. Ushqimi prishet më shpejt, krijohet lagështi ose myk, akulli grumbullohet brenda frigoriferit, rritet konsumi i energjisë.
