Lama deklaroi se Kosova ka qenë e pa fat për shkak të zgjedhjeve në Francë, pasi që sipas saj Franca është vendi më skeptik në procesin e liberalizmit të vizave.
“Për sa i përket liberalizimit të vizave Kosova ka qenë edhe e pa fat në këtë moment për shkak të zgjedhjeve në Francë, duke pasur parasysh që Franca është vendi më skeptik në procesin e liberalizmit të vizave. Këtë fundjavë kemi pasur një proces zgjedhor ku presidenti i Francës ka humbur dhe tani është në një situatë jashtëzakonisht të vështirë për krijimin e qeverisë sepse kanë fituar ekstremi i djathtë dhe ekstremi i majtë dhe partia e tij ka humbur dhe i duhet të bashkëpunoj me njërën nga këta”, tha Lama në emisionin “Këndi i Debatit” në Tëvë.
Duke folur për procesin zgjedhor të Francës, Lama tha se kjo është njëra nga arsyet e hezitimit të presidentit francez.
“E kemi parasysh se çfarë pikëpamjesh ka ekstremi i djathtë në Francë në lidhje me anëtarësimin, zgjerimin dhe procesin e liberalizimit të vizave kështu që edhe si momentum në fakt ka qëlluar jo shumë i mirë për shkak të zgjedhjeve në Francë, mendoj unë që ky është një nga faktorët e këtij lloj hezitimi nga ana e presidentit francez”, theksoi Lama./Teve1.info.
