Sipas saj, dështimi më i madh është shoqëria.
“Dështimi më i madh është realisht shoqëria sepse është e vërtet që kërkohet dënim maksimal, me të drejtë, por ata që duan të bëjnë gjëra të tilla, nuk e mendojnë as dënimin, e nuk e mendojnë atë pjesën se a do i marrin 30 vite apo burgim të përjetshëm”, tha ajo në “Këndi i Debatit” në Tëvë 1.
Edhe analisti, Arton Demhasaj e cilësoi këtë rast si fenomen tragjik që ka kapluar shoqërinë. Sipas tij, shteti ka dështuar në këto raste.
“Duhet një ndërhyrje e shpejtë dhe efikase e shtetit, përndryshe mund të mbesim duke folur për raste të tilla. Derisa nuk ka reagime të duhura nga të gjitha hallkat e institucioneve për tu mbyllur çdo mundësi kryesve të këtyre veprave, rastet e tilla do vazhdojnë”, deklaroi ai.
Ndërsa, politologu Dritëro Arifi theksoi se shoqëria është e dhunshme dhe primitive, teksa e quajti huqje johumane deklaratën e kryeministrit Albin Kurti, rreth këtij rasti.
“Nëse e lexojmë deklaratën e kryeministrit është një turp i madh, është një huqje johumane. Kjo nuk është huqje teknike, drejtshkrimore, kjo është huqje johumane. Në paragrafin e fundit e përmend çështjet politike, kjo me të vërtet nuk ka njerëzillik. Për ata po them, është shoqëri dhunuese dhe primitive”, u shpreh ai.
E analisti, Dorajet Imeri thotë se duke u marrë me tema të mëdha, janë shmangur shqetësimet reale që kanë njerëzit. Sipas tij, largimi i qytetarëve nga vendi, ndër të tjerash, është edhe për shkak të këtyre arsyeve.
“Dhe largimi po ashtu ose pritshmëritë e largimit të njerëzve në drejtim të vendeve perëndimore, është se ky vend gradualisht, fatkeqësisht, është bërë i pajetueshëm, për shkak se askush nuk e kryn punën e tij siç duhet, sektori i arsimit, i pari i shëndetësisë, i drejtësisë, policisë, prokurorisë dhe prandaj këto raste natyrshëm që janë produkte të një sistemi që nuk funksionon”, shtoi ai.
Një 35-vjeçare shtatzënë është vrarë mbrëmjen e sotme në oborrin e QKUK-së. Sipas raportimeve, dyshohet se vrasja u bë nga ish-bashkëshorti i saj./Teve1.info/