LIVE
    Lajmi i fundit:
    LAJMET

    Von Cramon: Tërheqja e liberalizimit të vizave nga Këshilli i BE-së është i papranueshëm

    Propozimi për liberalizimin e vizave për Kosovën, i cili parasheh lëvizjen e lirë jo më larg se data 1 janar e vitit 2024, u hoq nga agjenda e takimit të sotëm të ambasadorëve të vendeve anëtare të BE-së. E për këtë ka reaguar edhe raportuesja për Kosovën në Parlamentin Evropian, Viola von Cramon.

    Përmes një postimi në Twitter, Von Cramon ka shkruar se tërheqja e liberalizimit të vizave nga vendet anëtare të BE-së, është e papranueshme.

    “Liberalizimi i vizave për Kosovën është shumë i vonuar dhe duhet të procedohet pa kushte, me ç’rast heqja e tij e sotme nga Këshilli i BE-së, është e papranueshme”, thuhet në postimin e saj.

    Von Cramon ka theksuar se vizat dhe dialogut duhet të mbeten dhe të trajtohen si çështje të ndara.

    “Liberalizimi i vizave dhe dialogu Kosovë – Serbi duhet të mbeten çështje më vete”, ka shkruar tutje ajo.

    Ndërsa, Presidenca çeke e BE-së në njoftimin për shtyrje, ka thënë se për shkak të zhvillimeve politike në veri të Kosovës, nuk është ideale të jetë pikë në agjendën e Coreper-it (trupi i ambasadorëve)./teve1.info/.

     

    Share.