Ajo pas mbledhjes së Kryesisë së Kuvendit, tha se mbetet të shihet si të veprohet tutje, pasi sipas saj, kompenzimin duhet bërë nga ana e sindikatës.
“Ligji për Grevën e përcakton saktë edhe kompensimin apo moskompensimin për ata që janë pjesë në grevë. Kjo ka qenë një komunikim mes Ministrisë së Financave dhe agjencioneve buxhetore edhe për muajin e kaluar kur janë kërkuar azhurnimi i listave për punëtorët të cilët kanë qenë në grevë”, tha ajo.
Mirëpo, shefi i grupit parlamentar të PDK-së, Abelard Tahiri, paralajmëroi kallëzim penal ndaj ministrit të Financave, Hekuran Murati, nëse deri të enjten nuk ekzekuton pagat për grevistët.
“Ne do të presim një afat prej pesë ditëve që të ekzekutohen pagat, dhe nëse brenda këtyre pesë ditëve nuk ekzekutohen pagat ne do të bëjmë kallëzim penal ndaj ministrit. Mos ekzekutimi i pagave nga Ministri i Financave është vepër penale”, tha Tahiri.
