Siç thotë ai, kjo çështje do duhej të ishte shqetësimi më i madh për Qeverinë Kurti.
“Çështja Berisha është një nga çështjet që ka me penalizu dhe është duke penalizuar në aspektin politik dhe diplomatik edhe Qeverinë Kurti edhe tërë Kosovën. Dhe ajo çfarë ne po lexojmë tash në media këtu, dhe sidomos në Slloveni dhe Kroaci do të duhej të jetë shqetësimi më i madh për këtë Qeveri… nuk e di a ka filluar ndonjë proces hetimor sa i përket organeve këtu dhe atje, por nuk është larg mendësh që mund të ndodhë edhe ajo”, tha ai në “Ditari” në Tëvë 1.
Në mediat sllovene është raportuar se ambasadori Berishaj ishte përfshirë në afera pastrimi parash.
Sipas raportimeve, një kompanie të tij në Mal të Zi i janë bartur afro 600 mijë euro nga dega e kompanisë GEN në Beograd, e më pas ato i janë dhënë kesh politikanit slloven Robert Golob. /Teve1.info/
