Rama në një intervistë për gazetën gjermane ”Der Spiegel”, tha se për çështjen e Kosovës nuk pajtohen me presidentin e Serbisë, Aleksander Vuçiq, por siç ka thënë ai të paktën bisedojnë për këtë temë.
“Mendoj se Serbia duhet ta njohë Kosovën. Por, Aleksandar Vuçiç nuk mund ta bëjë këtë. Por, të paktën mund të flasim për këtë temë. Dhe ne bashkëpunojmë në projekte si ai i Ballkanit të Hapur”, ka thënë Rama.
Kryeministri i Shqipërisë foli edhe për anëtarësimin e Shqipërisë në BE duke thënë se “Ne jemi evropianë dhe duam të jemi pjesë e BE-së’,
Rama ka folur për sulmin kibernetik iranian kundër Shqipërisë, dëshirës për anëtarësimin në BE dhe rekomandimin se pse Shqipëria duhet të jetë një parajsë për pensionistët gjermanë.
“Irani sulmoi vendin tonë me një sulm masiv kibernetik. Qëllimi ishte të shkatërroheshin të gjitha shërbimet digjitale të qeverisë që ne kemi ndërtuar me shumë mund përgjatë shumë viteve. Falë specialistëve tanë të IT-së, ekspertëve nga Microsoft dhe qeveria amerikane, ne arritëm të zvogëlojmë dëmin”, ka thënë Rama.
