Sipas njoftimit, pasi është pranuar informata se atje lëvizin disa automjete, njësitet policore në fshatin Kabash në hyrje të shtëpisë së të dyshuarit është arritur të ndalohet automjeti pa tabela i ngarkuar me mall të kontrabanduar.
“Zyrtarë policorë nga Task-Forca e Drejtorisë Rajonale të Policisë Kufitare-Lindje, në zbatim të masave për parandalim dhe luftim të kriminalitetit, me theks të veçantë kontrabandës, kanë intensifikuar aktivitetet në teren dhe bashkëpunimin me qytetarë. Kështu më, 21.09.2022, rreth orës 02:00, pasi është pranuar informatë se nga fshati Debelldeh i Vitisë, lëvizin disa automjete, dyshohet të ngarkuara me mallra të kontrabanduar, njësitet policore të angazhuara në përgjigjeje të këtij rasti, në fshatin Kabash, në hyrje të shtëpisë së të dyshuarit, është arritur të ndalohet automjeti pa tabela i ngarkuar me mall të kontrabanduar të cilin e ngiste i dyshuari I.S., (35 vjeçar, mashkull kosovar)”, thuhet ndër tjerash në njoftim.
Tutje, bëhet e ditur se gjatë kontrollit në automjet kishte të ngarkuar tekstil, klima, pjesë të automjeteve, pjesë të ndryshme dekorative për automjete dhe shtëpi etj.
“Gjatë kontrollit, në automjet kishte të ngarkuar: tekstil, klima, pjesë të automjeteve, pjesë të ndryshme dekorative për automjete dhe shtëpi, medikamente natyrale, lëndë e parë për shisha, fletore dhe libra të ndryshme, telefona Iphone 13 etj., të cilat ishin të kontrabanduar nga Republika e Maqedonisë Veriore”, njofton PK-ja.
Po ashtu, është bërë e ditur se me aktvendim të prokurorit është caktuar masa e ndalimit policor për 48 orë, teksa malli i kontrabanduar është dërguar në terminalin doganor./teve1.info/
