Sipas njoftimit në rastin e parë në automjetin e dyshuar në fshatin Komogllav, është gjetur mjaltë e cila dyshohet se është kontrabanduar nga Maqedonia e Veriut.
Kurse bëhet e ditur se personi i dyshuar është shoqëruar për intervistim.
“Në rastin e parë njësia policore e taskë forcës nga Drejtoria Rajonale e Policisë Kufitare Lindje, sot rreth orës 13:00 në fshatin Komogllav në drejtim të fshatit Gërlic ka vërejtur duke qarkulluar në rrugë automjetin e dyshuar Opel Astra (me targa lokale), gjatë kontrollit është vërejtur se kishte të ngarkuar Mjaltë për të cilën nuk kishte asnjë dokument për origjinën dhe përmbajtjen e saj. Gjatë kontrollit në automjetin e ndaluar kishte pasur të ngarkuar Mjaltë me përbërje të dyshimtë, cila dyshohet të jetë kontrabanduar nga Maqedonia e Veriut. Në total kanë qenë 37 paketime me nga 12 kavanoza me peshë nga 720Gr. 37 x 12 = 444 Kavanoza 444 x 720Gr = 319.680Kg Personi i dyshuar është shoqëruar për intervistim, për të vazhduar me procedurat e mëtejme”, thuhet në njoftim.
Teksa rasti i dytë sipas Policisë, në pikën kufitare Dheu i Bardhë është parandaluar një rast i futjes ilegale të mallrave me akcizë – pijeve aloolike.
“Ndërsa në rastin e dytë po ashtu sot, zyrtarët policorë dhe doganorë në pikën e kalimit kufitar Dheu i Bardhë, pas dyshimit të shfaqur kanë ndërmarrë masa të nevojshme duke bërë profilizimin dhe kontrollin në vijën e dytë të një veture dhe si rezultat i kësaj është parandaluar një rast i futjes ilegale të mallrave me akcizë – pijeve aloolike. Gjatë kontrollit në automjet janë gjetur artikuj: 60 litra alkool 40%, Zhollta, 14 litra alkool, 38%, Ouzo Tsantali, 6 litra alkool 40%, Stomaklia” ,thuhet në njoftim.
Kurse pas kryerjes së procedurave fillestare, rasti në fjalë është proceduar nga Dogana e Kosovës./teve1.info./
