Rashiq fillimisht raportohet të ketë thënë se nuk kishte dyshime që ishte gjuajtur në drejtim të të plagosurve, kurse mbrëmë tha se ishte keqkuptuar deklarata e tij.
Subjekti më i madh politik i komuniteti serb e kanë quajtur Rashiqin “ministër ilegal dhe dyfytyrësh i cili i ka ndërruar deklaratat për këtë çështje”,
“Këtë sulm të armatosur të paprovokuar ndaj fëmijëve të pafajshëm, në festën më të gëzueshme të krishterë, Rashiq e cilësoi për mediat në Serbi si tentativë vrasjeje dhe menjëherë shfrytëzoi rastin për të lavdëruar shefin e tij Albin Kurtin dhe policinë e tij se sa shpejt reaguan mirë”, thuhet në reagim.
“Po ky ministri i paligjshëm i Kurtit Rashiq tha mbrëmë në një emision televiziv shqiptar se ishte keqkuptuar, se nuk kishte thënë se ishte një tentativë vrasje, por ishte bërë nga gazetarët e Novas dhe se ai respekton institucionet!?”.
Srpska tutje ka shtuar se është mirë që Rashiq nuk po i viziton të plagosurit sepse mund t’ua ndryshojë deklaratat edhe atyre.
