Kryetarja e Grupit Parlamentar të Vetëvendosjes, Mimoza Kusari – Lila, i ka reaguar kryetarit të LDK-së, Lumir Abdixhiku i cili para deputetëve në Kuvend kërkoi mocion për raportimin e kryeministrit të Kosovës, Albin Kurti mbi takimin që e kishte me presidentin serb, Aleksandër Vuçiq, në Bruksel, më 27 shkurt.
Kusari – Lila tha se me kërkesën LDK-së, dhe PDK-së, është ndalur debati për dialogun në mungesë të kryeministrit Albin Kurti.
Teksa mocionin e Abdixhikut, Kusari e ka cilësuar si fjalim patetik dhe të cilin ia ka rekomanduar të parit të LDK-së, ta bëjë në selinë e partisë së tij.
“Mocionin e kombinuar me fjalim patetik të zotit Abdixhiku para deputetëve të Kuvendit ja rekomandoj ta bëjë në selinë e Lidhjes Demokratike të Kosovës. Për arsye se Abdixhiku jo që filloi të diskutoj për rëndësinë e mocionit, por filloi të bëjë analizë të marrëveshjes, gjë që nuk e kishim dëgjuar të bëjë analizë komperative të marrëveshjeve të nënshkuara nga subjekti i tij në 2015-tës pastaj të 2020 –tës, dhe për dëmet apo regresin në procesin e dialogut. Rrjedhimisht para se me ngitë alarmin për një marrëveshje të dakorduar në parim, duhet të ia rikujtoj zotit Abdixhiku se nga e njejta foltore ka akuzuar Kurtin dhe Qeverinë për izolim të Kosovës, për mos bashkërendim të veprimeve me alaeatët tanë ndërkombëtarë”, ka thënë ajo./teve1.info./
