Profesori i shkencave politike në UP, Dorajet Imeri, thotë se deklarata e Vuçiq që nuk do ta nënshkruajë kapitullimin, është për konsumin e tij të brendshëm.
“Kur thotë Vuçiq që unë nuk do ta nënshkruaj kapitullimin, ai mund ta thotë një të vërtetë se sot me gjasë s’do të ketë nënshkrim që parimisht ai dëshiron ta tregojë te publiku i tij së paku në baza ditore se e ka mbajtur një qëndrim të caktuar të cilin Serbia përkatësisht presidenti Vuçiq nuk bie pre e presioneve dhe ja tashmë ia dolëm”, ka thënë Imeri.
Sipas tij shkaku që po zgjasin bisedimet është se BE-ja me gjasë ka më shumë se një projekt të cilin po ua prezanton palëve.
“E dyta, këta i kanë ardhë për me diskutu planin e veprimit. Vuçiq po synon me vendosë një pikë të fortë në marrëveshje që të jetë ndër të parat. Pala kosovare e ka këtë pikën më të dobët dhe me lënë të fundit. Debati sot këtu që po zgjat është për me i pa modalitetet. Bashkimi Evropian me gjasë e ka më shumë sesa një projekt të cilin ia prezanton palëve, edhe për modelet dhe pikët se si mund të implementohej marrëveshja. Por Serbia ka shkuar edhe një hap më tej. Sigurisht edhe Kosova. Kosova po tregon kinse gatishmëri për të përkrahur ide evropiane dhe merr obligime për ta nënshkruar marrëveshjen, për ta vendos Serbinë në një pozicion negociues më të dobët”.
Sipas tij, është strategji e Serbisë që t’i shmangë ceremonitë e obligimet e marrëveshjes.
“Serbia thotë unë nun nënshkruaj fare marrëveshje. Ajo dëshiron të lë dykuptimësi, kjo është strategjia serbe në mënyrë të vazhdueshme. Së paku nuk dëshiron të lë edhe simbolika në anën tjetër që asnjë obligim ndërkombëtar të cilat i merr, të paktën mos e bëj asnjë veprim ceremonial. Dhe këto janë veprime strategjike që nga Rambujea e tash kur po flasim. Sepse e konsideron që marrëveshja është me një krahinë. Ajo dëshiron të marrë të mirën e marrëveshjes dhe të shmangë obligimet e saj”, ka deklaruar Imeri.
