Hovenier në Twitter theksoi se është i lumtur që ka pritur dje në Kosovë delegacionin e lartë të SHBA-së, të drejtuar nga këshilltari i Departamentit Amerikan të Shtetit, Derek Chollet.
“I lumtur të presë në Kosovë dje, këshilltarin e Departamentit të Shtetit, Derek Chollet. Partneriteti ynë me Kosovën është i fortë. Këtu, këshilltari Chollet është angazhuar me një gamë të gjerë të liderëve, qeveritarëve, përfaqësuesve të shoqërisë civile, dhe gazetarëve”, ka thënë ai.
Ndryshe këshilltari i lartë i Departamentit Amerikan të Shtetit, Derek Chollet, është pritur nga kryeministri Albin Kurti dhe presidentja Vjosa Osmani.
Chollet vjen në Kosovë e Serbi pas tensioneve të fundit në veri dhe në kulmin e përpjekjeve që janë duke bërë SHBA dhe BE për të arritur një marrëveshje mes dy vendeve mbi bazën e planit franko-gjerman.
Ai tha se “Kosova duhet të përmbushë të gjitha zotimet në kuadër të dialogut, përfshirë edhe formimin e Asociacionin e komunave me shumicë serbe” dhe se presin nga “Qeveria e Kosovës të vendosë disa propozime në tryezë”.
Pas Prishtinës, këshilltari i Departamentit Amerikan të Shtetit do të qëndrojë në Beograd më 12 janar./teve1.info./
Pleased to welcome @CounselorDOS to Kosovo yesterday. Our partnership with 🇽🇰 is strong. While here, Counselor Chollet engaged with a wide variety of leaders, government and civil society representatives, and journalists. https://t.co/xj3KMO9k95
— Ambassador Jeff Hovenier (@USAmbKosovo) January 12, 2023
