I ftuar në emisionin “Ditari” në Tëvë 1, Hoti thotë se dokumente të tilla hidhen me qëllim në qarkullim në mënyrë që të masin pulsin e opinionit publik para se të merret ndonjë vendim.
“E mira e përgjithshme e Kosovës është që është kthyer në agjendën ndërkombëtare siç ka qenë në vitet ’99, 2008 dhe tash ka një intensifikim të diplomacisë evropiane karshi Kosovës dhe Serbisë. Këso dokumente kanë qarkulluar edhe në të kaluarën, hidhen me qëllim në publik që ta masin pulsin publik se në çfarë orientimi marrin publiku në Kosovë dhe pse jo publiku nëpër vende të ndryshme të BE-së”, tha ai.
Por, Hoti vlerëson se çështja mes Kosovës dhe Serbisë duhet të kalojë në nivel të ministrave të jashtëm të Gjermanisë e Francës, duke marrë shembull marrëveshjet e kaluara si ajo e Rambujes.
“Afërsisht ashtu sepse nuk është dokument zyrtar atëherë mund ta quajmë “non paper”, mirëpo tregon që diplomacia evropiane ka filluar të lëvizë, por jo mjaftueshëm sepse është mirë që Scholz dhe Macron kanë caktuar këshilltarët, por çështja duhet të lëviz në nivel të ministrave të jashtëm sepse edhe çlirimi i Kosovës dhe Rambuje kanë qenë ministrat e jashtëm atje ka qenë edhe Albright ku është arritur marrëveshja që Serbia ka humbur”, shtoi ai.
Sa i përket çështjes së dialogut, Hoti ka hedhur akuza ndaj pushtetit aktual duke thënë se nuk ka transparencë të mjaftueshme rreth asaj se çfarë po diskutohet.
“Dhe besoj që është një lëvizje pozitive, mirëpo jo e mjaftueshme sepse në këtë intensifikim nëse do ta quaja nuk kemi asgjë konkrete nuk kemi transaparencë nëse pushteti aktual i ka akuzuar të kaluarit se u ka munguar transparenca, në bisedime pushteti aktual është në terr të plotë në këtë drejtim s’kemi kurrfarë informacioni se çka po zhvillohet në këto takime”, tha ai./teve1.info/