Përmes një postimi në Facebook,Haradinaj ka thënë se me qytetarët e Gjilanit bashkëbiseduan për mosangazhimin e Qeverisë Kurti në zbutjen e varfërisë dhe krizave ekonomike e energjike.
Ai thotë se Qeveria sa më parë të plotësojë kërkesat minimale të sindikatave dhe ta sjellë për miratim Ligjin e Pagave.
“Me qytetarët e Gjilanit bashkëbiseduam edhe për qeverisjen e sëmurë në vend, mosangazhimin e saj për zbutjen e varfërisë dhe krizave ekonomike dhe energjetike. Gjilanasit më treguan edhe për problemet e tyre lokale, shqetësimin e thellë për ndërprerjen e projekteve kapitale të nisura që para vitit 2019. Duke folur për krizën në arsim, vlerësova se Ligji i Pagave, ishte i dyti sipas rëndësisë, pas ligjeve të Ushtrisë, gjatë kohës kur isha kryetar qeverie. Qeveria sa më parë, të plotësojë kërkesat minimale të sindikatave dhe sa më parë të sjellë për miratim Ligjin e Pagave”, ka shkruar ai.
Po ashtu, Haradinaj ka thënë se “roli udhëheqës i Shteteve të Bashkuara të Amerikës në dialogun mes Kosovës dhe Serbisë, garancia e tyre për marrëveshjen gjithëpërfshirëse me njohje reciproke, janë shumë të rëndësishme për vendin tonë”. /teve1.info/