Duke folur për Asociacionin ai ka thënë se një ditë ai do të jetë një Republika Srpska tjetër.
“Është shumë mirë që thonë kështu, një ditë do të jetë Republika Srpska. Dua të them që në thelb këtu do të quhet Bashkimi i Komunave Serbe, do të ketë funksione ekzekutive të qeverisë siç ka Srpska, marrëdhënie të veçanta me Serbinë siç ka Republika Srpska. Ky është problemi i tyre dhe kjo është e gjithë historia”, tha ai në një intervistë.
Duke folur për planin franko-gjerman, ai ka thënë se nëse duhet të pranohet duhet të pranohet nga të gjithë: politika e shoqëria dhe nëse duhet të refuzohet, po ashtu të ketë mendim të unifikuar për këtë çështje.
“Dhe kjo është e rëndësishme vetëm që Serbia dhe serbët të mos ndahen përsëri. Çfarëdo që duhet bërë, duhet ta bëjmë bashkë”, ka thënë ai për RTRS.
Duke folur për rolin e Gjermanisë në dialog, ai ka thënë se Gjermania ka qenë gjithmonë antiserbe.
“Gjermania është antiserbe në atë pjesë të Ballkanit. Ajo ishte gjithmonë antiserbe, nuk ishte racionale, realiste dhe gjithmonë ishte kundër serbëve. E njëjta gjë është edhe në këtë rast lidhur me Kosovën” theksoi Dodik.
Tutje ka shtuar se Serbia kurrë nuk duhet ta njoh Kosovën.
“Serbia kurrë nuk duhet ta njohë Kosovën dhe nuk duhet të heqë dorë nga asnjë përpjekje. Ndoshta Serbia do të duhet të humbasë në një moment historik, pasi në këtë moment e ka humbur dukshëm sovranitetin në këtë fushë, por vetë njohja është përfundimtare dhe nuk duhet të lihet mënjanë – tha Dodik”, ka thënë ai.
