Ai gjatë raportimit në Komisionit Hetimor për Energji në Kuvendin e Kosovës, tha se që nga koha kur ka marrë pozitën e ambasadorit është çliruar nga këto punë.
Ai thotë se në këtë kompani ka qenë aty si këshilltar dhe ka dhënë këshilla politike se çfarë duhet të bëhet.
“GEN-i është regjistruar në ZRRE në vitin 2009. Nga viti 2019-2020 unë s’jam marrë me ta, sepse e kom pas shumë të qartë pasi e kam filluar punën si ambasador jam i çlirua prej këtyre çështjeve”, ka thënë Berishaj, raporton teve1.info.
Ai ka folur edhe për një kompani tjetër që në ARBK është regjistruar në emrin e tij në vitin 2007.
Berishaj tha kjo kompani nuk ka funksionuar kurrë dhe atë e ka shitur.
Berishaj i pyetur nga Albelard Tahri se mjetet e përfunduara në kompaninë e tij nga kompania GEN a janë përdorur për ndonjë fushatë të kryemistrit Kurti, ai e mohoi, teksa tha se mjetet nuk janë përdorur as për krerët e opozitës.
“Me përgjegjësinë morale juridike por edhe si person ato mjete nuk kanë përfunduar as te kryeministri Kurti, as te kryetari, Memli Krasniqi as te Abdixhiku, as te Ramush Haradinaj as përkund, dmth nuk janë investuar dhe nuk kanë shkuar”, tha Berishaj
“Tek ne e dimë që jo”, replikoi Driton Selmanaj.
Berishaj theksoi se mjetet nuk kanë përfunduar as në fushatë të Albin Kurtit e as të Vjosa Osmanit.