Në seancën që po mbahet në Kuvend, ai theksoi se Kosova meriton më mirë, përcjell teve1.info
Ai po ashtu kërkoi edhe shkarkimin e ambasadorit të Kosovës në Kroaci, Martin Berishaj.
“Sot në këtë Kuvend kam dy kërkesa – shkarkim për të parin dhe mbajtje përgjegjës për secilin të ndërlidhur me të, kërkim falje për lartnimin e një krimineli të luftës nga kryeministri Kurti. Kosova meriton më mirë, Kosova meriton më shumë”, deklaroi ai.
Deputeti i LDK-së pati edhe një pyetje për qytetarët.
“Dhe teksa shikojmë këto dy skandale që na përshfaqen fshehtazi nga ky pushtet e kjo Qeveri, pyetja e imja e vetme është për qytetarët e vendit – a është ky ndryshimi për të cilin kemi pasur nevojë gjithë, që të amnistohen të korruptuarit e të rehabilitohen kriminelët e luftës?!”, shtoi ai.
Deklarata e kryeministrit Kurti se do donte që kujtimi i Ivanoviqit të mbetet i gjallë si një njeri që punoi për një të ardhme të qëndrueshme dhe për një Kosovë shumetnike, ngjalli reagime të shumta në vend e madje u cilësua edhe si shumë shqetësuese. /Teve1.info/
