Këtë kërkesë Tahiri e bëri sot duke ju drejtuar deputetëve të Lëvizjes Vetëvendosje në seancën e Kuvendit të Kosovës.
Ai tha se është fyerje për të gjithë qytetarët e Republikës së Kosovës edhe për ata qytetarë të cilët e kanë votuar VV-në që ministrja Hajdari të qëndrojë në këtë pozitë, shkruan teve1.info.
“A nuk janë të mjaftueshme gjithë këto skandale të kësaj ministre me vazhdu me bë punën e ministres, a nuk janë të mjaftueshme për të gjithë neve, për kryeministrin Kurti, për këtë mazhorancë që kjo ministre të dorëhiqet apo të shkarkohet, prandaj është e pa pranueshme sepse është fyerje për të gjithë ne…Ju kërkoj gjithë juve që të bëni presion tek kryeministri që kjo ministre të shkarkohet sepse është ofendim për të gjithë qytetarët e Republikës së Kosovës edhe për ata qytetarë të cilët juve ju kanë votuar”, tha Tahiri.
Tutje Tahiri tha se është e pa pranueshme që të vazhdojë të qëndroj në sallë që të vazhdoj ta ushtroj funksionin e ministres një person i cili e fshehë pasurinë teksa i përmendi edhe skandalet e kësaj ministre.
“Kemi me dhjetëra skandale të kësaj ministre, po ju përkujtojë skandalin e promovimit të Kosovës nga kjo ministre si vend ku kanë lindur manastiret ortodokse serbe, po ju kujtoj skandalin e kësaj ministre e cila blenë rezerva të grurit nga kompanitë ndërtimore të Turqisë… në kohën e saj kur është pikërisht kompetencë e saj mbrojtja e produkteve tona vendore, Serbia shënon rekord të eksportimit të mallrave në vendin tonë, pra në vitin 2022 kemi shënuar një rekord të importimit të mallrave nga Serbia”, tha Tahiri.
Sipas shefit parlamentar të PDK-së, Ministra Hajdari është ministra e parë e Kosovës që e mbanë Qeveria Kurti e cila është në detyrë dhe nuk e ka deklaruar pasurinë.
“Asnjëherë në Kuvendin e Kosovës nuk ka pasur ministër që ka qëndruar në detyrë i cili është i dënuar për mosdeklarim të pasurisë. Këtë standard po e vendos fatkeqësisht Qeveria Kurti”, shtoi Tahiri./Teve1.info/