Pas përfundimit të fazës së kthimit të pronave nën menaxhim, Trepça Sh.A ka filluar për herë të parë pas luftës procesin e lirimit të pronave në Zonën Kadastrale Hajvali.
Bëhet fjalë për një sipërfaqe prej 11 hektarësh, me vlerë tregu mbi 23 milionë euro, pronë e Trepçës që i rikthehet ndërmarrjes pas më shumë se dy dekadash.
Nga kompania kanë bërë të ditur se ky është vetëm fillimi i procesit të rikthimit të pasurisë së Trepçës dhe vendosjes së saj në funksion të zhvillimit dhe të ardhmes së ndërmarrjes.
Gjithashtu, Trepça Sh.A. paralajmëron se kjo pronë do të ofrohet së shpejti për shfrytëzim të përkohshëm, ku palët e interesuara do të ftohen zyrtarisht për aplikim, sipas procedurave ligjore dhe parimeve të transparencës.
