E pak metra më lart, disa qytetarë që po qëndronin afër komunës së Mitrovicës së Veriut treguan interes për vizitën e sllovakut.
Ky takim që ishte i mbyllur për media zgjati rreth një orë.
Pas takimit Lajçak tha se ishte i interesuar të dëgjojë nga Rakic dhe të tjerët për pikëpamjet e tyre mbi dialogun.
“Isha shumë i interesuar të dëgjoj pikëpamjet e tyre për dialogun Kosovë – Serbi dhe si e shohin ata situatën në veri të vendit. Më vjen keq më duhet të lëviz, po më presin tek helikopteri do të shkoj në dy pikat kufitare”, tha ai
Ndërkohë, në këtë takimi ministri Rakiq ka përsëritur qëndrimin që themelimi i asociacionit të komunave me shumicë serbe do të përmirësonte pozicionin e serbëve ne Kosovë.
E qytetarët në veri nuk u dukën shumë të entuziazmuar më vizitën e sllovakut.
Zymer Ismaili, tha se ka humbur besimin tek Bashkimi Evropian.
Ndërkaq disa nga banorët donin vetëm me pajtim me Serbinë.
E dikë e irritonte fjala dialog.
Ndërmjetësuesi i dialogut, Lajçak pas takimit me Rakiç, zhvilloi vizita edhe në dy pikat kufitare, Jarinje dhe Bernjak.
Raporti i gazetarit Shpat Blakçori.
