I dërguari i posaçëm i Bashkimit Evropian për dialogun mes Kosovës dhe Serbisë, Miroslav Lajçak pritet që sot të vizitojë Kosovën.
Qeveria e Kosovës për teve1.info ka konfirmuar këtë vizitë.
Zëdhënësi i Qeverisë së Kosovës, Përparim Kryeziu ka thënë se Kurti bashkë me Bislimin do të zhvillojnë një drekë pune të hënën.
“Nesër, kryeministri Kurti bashkë me zëvendëskryeministrin Bislimi priten të zhvillojnë një drekë punë me emisarin Lajcak”, ka thënë ai për teve1.info.
Ndryshe, i dërguari i posaçëm i Bashkimit Evropian për dialogun Kosovë-Serbi, Miroslav Lajçak e ka vizituar Kosovën 10 ditë më parë, kur ka zhvilluar një darkë pune me kryeministrin Albin Kurti dhe kryenegociatorin e Kosovës në dialog me Serbinë, Besnik Bislimin./teve1.info
