I dërguari i posaçëm i BE-së për dialogun ndërmjet Kosovës dhe Serbisë, Miroslav Lajçak, ka thënë se nga Serbia kërkohet që të mos e kundërshtojë anëtarësimin e Kosovës në Kombet e Bashkuara.
Siç shkruan media serbe, Lajcak, ka thënë se BE-ja i ka dëgjuar se cilat janë “vijat e kuqe” të Serbisë për marrëveshjen e mundshme me Kosovës.
Lajçak, po qëndron për vizitë në Beograd. Ai është takuar me presidentin serb, Vuçiq dhe me përfaqësuesit e opozitës në Serbi, transmeton teve1.info.
Ndërsa, presidenti i Serbisë, Aleksandar Vuçiq, ka thënë se nuk do ta nënshkruajë anëtarësimin e Kosovës në OKB.
Më 18 mars, në Ohër të Maqedonisë së Veriut, kryeministri i vendit, Albin Kurti dhe presidenti Vuçiq, pritet të takohen dhe të bisedojnë për propozimin evropian.
