Në një postim në Twitter, ai ka rënë dakord me zv.sekretarin e NATO-s, Mircea Geoana, i cili është shprehur se KFOR-i janë të gatshëm të ndërhyjnë nëse rrezikohet stabiliteti në veri.
“Plotësisht dakord me Mircea Geoana. Mirënjohës për koordinimin e shkëlqyer të NATO-s – si me udhëheqjen në nivel të shtabit, ashtu edhe me NATO-n në terren”, ka shkruar ai.
Zëvendësekretari i NATO-s ka thënë po ashtu se si Beogradi ashtu edhe Prishtina duhet të tregojnë përmbajtje dhe të parandalojnë përshkallëzimin.
Përfaqësuesit serb janë larguar sot nga institucionet e Kosovës. Ky vendim i tyre ka ardhur pas suspendimit të drejtorit të Policisë së Kosovës për rajonin e veriut, Nenad Gjuriq, i cili ka refuzuar që të zbatojë vendimin e Qeverisë për riregjistrimin e makinave që kanë targa të lëshuara nga Serbia në RKS. /Teve1.info/
https://teve1.info/lajmet/kfor-i-te-gatshem-te-nderhyjne-nese-rrezikohet-stabiliteti-ne-kosove/
