Ai atje u prit nga Drejtori i Departamentit për policinë kufitare, Ragip Bunjaku, dhe policët e tjerë e kufitar.
Këta të fundit po i tregonin se situata në kufi është duke shkuar mirë.
Madje ata po i rrëfenin planet për reformimin e pikës kufitare në Bërnjak, për të cilën kanë marrë mbështetje edhe nga vet Bashkimi Evropian, por që ky projekt nuk ka filluar akoma të zbatohet.
Në intervistën ekskluzive dhënë për Tëvë1, Lajçak tha se dialogu është duke prodhuar rezultate konkrete, duke përmendur edhe punën që po bëhet në pikën kufitare në Bërnjak.
“Për mua është me rëndësi se dialogu po prodhon rezultate për qytetarët. Për këtë pikë kufitare është diskutuar disa herë në mënyrë që të përmirësohen kushtet e punës për personelin por edhe për qytetarët. Për mua ishte me shumë rëndësi që të vija këtu dhe ta shihja nga afër pikën kufitare”, deklaroi ai.
Lajçak, tha që po angazhohet për zbatimin e marrëveshjeve.
“Unë do ta bëjë më të mirën që projektet e planifikuara të zbatohen. Është shumë e thjeshtë, qytetarët dëshirojnë kushte më mira, dhe këtë politika duhet t’ua mundësoj. Qytetarët nuk duhet të kenë më pengesa”, shtoi Lajçak.
E diplomati sllovak u shpreh shumë optimist për të ardhmen.
Ai thotë se nuk ka ndonjë problem që s’mund të zgjidhet, duke aluduar kështu në raportet mes Kosovës dhe Serbisë.
“Jam shumë optimist për punën që po bëj edhe për sfidat që i kam përpara. Po të mos isha optimist nuk do të isha këtu. Duhet ta dini një gjë, nëse ka vullnet atëherë ka gjithmonë një zgjidhje. Unë mund t’iu them juve që nuk probleme që nuk kanë zgjidhje. Mund të siguroheni 100% për vullnetin që e kemi ne”, tha Lajçak.
Pas vizitës tre ditorë në Kosovë, Miroslav Lajcak vazhdoi rrugën për në Beograd, ku do të takohet me Presidentin serb, Aleksandar Vuciq.
Raporti i gazetarit Shpat Blakçori.
