I dërguari i posaçëm i BE-së për dialogun mes Kosovës dhe Serbisë, Miroslav Lajçak, ka konstatuar se ka progres në zbatimin e disa marrëveshjeve të arritura në dialogun ndërmjet të dyja palëve.
Ai tutje ka deklaruar se së shpejti do të mbyllet dosja e energjisë dhe se ka progres në çështjen e targave, në çështjen e personave të pagjetur, në çështjen e zgjedhjeve lokale në veri dhe në zbatimin e marrëveshjes për rrugën drejt normalizimit të raporteve.
Por, këto deklarime të emisarit njohësi i çështjeve politike, Melazim Koci, po i sheh si përpjekje të palëve për të blerë kohë.
Ndërsa, njohësi i procesit të dialogut, Visar Xani thotë se e rëndësishme në këtë proces është zbatimi i plotë i të gjitha marrëveshjeve.
Në lidhje me deklarimin e emisarit Lajçak, televizioni ka tentuar të marrë një qëndrim nga Qeveria, por që një gjë e tillë ka qenë e pamundur.
Vendet anëtare të BE-së pritet që javën e ardhshme në takimin me vendet e Ballkanit Perëndimor të diskutojnë edhe për rrugën e normalizimit të marrëdhënieve mes Kosovës e Serbisë.
