Emisari i BE-së për dialogun, Miroslav Lajçak ka dhënë detaje për takimin e sotëm mes Kosovës dhe Serbisë në Bruksel.
Përmes një postimi në Twitter, Lajçak ka theksuar se është duke pritur në takim kryenegociatorët, për të diskutuar zbatimin e marrëveshjes në arritur në Ohër, përcjell teve1.info
“Sot, jam duke pritur një takim dialogu në nivel të kryenegociatorëve në Bruksel për të diskutuar zbatimin e marrëveshjes për rrugën drejt normalizimit dhe çështjet aktuale urgjente”, ka shkruar ai.
Pas takimeve bilaterale, pritet edhe takimi trilateral.
Ky takim është i pari pas takimit të Ohrit ku kryeministri i Kosovës Albin Kurti dhe presidenti serb Aleksandar Vuçiq u dakorduan për planin e zbatimit të marrëveshjes mbi rrugën drejt normalizimit të raporteve të dy vendeve. /Teve1.info/
Today, I’m hosting a Dialogue meeting on the level of the Chief negotiators in Brussels to discuss the implementation of the Agreement on the Path to Normalisation and urgent current issues. pic.twitter.com/U9aflJ1PCm
— Miroslav Lajčák (@MiroslavLajcak) April 4, 2023
