Emisari special, Miroslav Lajçak, gjatë qëndrimit të tij në New York ku po mbahet Asambleja e OKB-së, është takuar me nënsekretarin e Përgjithshëm të OKB-së për Operacionet e Paqes, Jean-Pierre Lacroix.
Lajçak ka bërë të ditur se në këtë takim kanë diskutuar për zhvillimet e fundit në dialogun mes Kosovës dhe Serbisë, si dhe mbi dinamikën në Ballkanin Perëndimor.
“Gjithmonë e dobishme për të krahasuar shënimet me Nënsekretarin e Përgjithshëm të OKBË-së Jean-Pierre Lacroix mbi dinamikën në Ballkanin Perëndimor dhe zhvillimet e fundit në dialog. Faleminderit për mbështetjen e plotë!”, ka shkruar Lajçak në “X”.
Always useful to compare notes with 🇺🇳 Undersecretary-General @Lacroix_UN on the dynamics in the Western Balkans and the latest developments in the Dialogue. Grateful for the full support! pic.twitter.com/AjiwSDwmkE
— Miroslav Lajčák (@MiroslavLajcak) September 23, 2023
Lajçak në New York, ka realizuar takime edhe me presidenten e vendit, Vjosa Osmani si dhe presidentin serb, Aleksandër Vuçiq./teve1.info/
