Në qershor të këtij viti, regjisori Todd Phillips e konfirmoi lajmin se një vazhdim i hitit të vitit 2019, “Joker”, ishte në realizim e sipër. Menjëherë pas këtij lajmi, u raportua se Lady Gaga ishte një bisedime e sipër për t’u angazhuar me rolin e Harley Quinni në film, psikiatrja e Jokerit në spitalin “Arkham Asylum”, e cila bien ë dashuri me të, e ndihmon të largohet nga spitali dhe eventualisht bëhet e dashura dhe ndihmësja e tij në krim.
Konfirmimi i Gagas për përfshirjen e saj në projektin e ardhshëm kinematografik, vjen pak kohë pasi u bë e ditur data e lansimit të filmit. “Joker: Folie à Deux” pritet të fillojë së shfaquri nëpër kinema më 4 tetor të vitit 2024, saktësisht pesë vjet pas lansimit të filmit të parë dhe jashtëzakonisht të suksesshëm, “Joker”.
Sipas portalit “Deadline”, xhirimet e “Joker: Folie à Deux” do të fillojnë në dhjetor të këtij viti.
