Kampionati elitar spanjoll, La Liga ka caktuar tashmë një datë për fillimin e sezonit të ri 2023/24.
Pas Ligës Premier, tani është radha e La Ligas për të njoftuar në lidhje me nisjen e sezonit të ardhshëm.
La Liga ka konfirmuar se sezoni i ri 2023/24 do të fillojë më 11 gusht të këtij viti dhe do të zgjasë deri më 26 maj 2024.
Shorti për ndeshjet e sezonit 2023/2024 të La Ligës do të hidhet të enjten më 22 qershor në orën 12:00 në selinë e Federatës Mbretërore të Futbollit Spanjoll (RFEF).
Pushimi i Krishtlindjeve do të zgjasë vetëm nëntë ditë, midis datës së 22 dhjetorit dhe 1 janarit 2024.
Ndërkohë Segunda Division apo La Liga 2 do të fillojë në të njëjtën kohë, por do të përfundojë më 2 qershor 2024, me “Play-Off”-et që do të zhvillohen nga 9 qershori deri më 23 qershor.
Sezoni i La Ligës do të përfundojë një javë më herët se këtë sezon, por ky sezon u zgjat nga Kupa e Botës dimërore në Katar.
