Nëse keni qenë ndonjëherë xheloze për ondet e mëdha dhe mahnitëse të flokëve, si ato të supermodeleve të viteve ’90 ose në pasarelat e Victoria’s Secret, kemi lajme të mira: nuk është e vështirë t’i rikrijoni vetë.
Ju mund të frymëzoheni dhe rikrijoni lehtësisht pamjen e Cindy Crawford ose Bella Hadid, pa nevojën e një vizite në sallon.
Dhe mos u shqetësoni nëse nuk keni aftësitë e një stilisti profesionist të famshëm, edhe pa to mund të arrini volum maksimal me rutinën e duhur të flokëve.
Çfarë ju duhet?
Një rutinë e mirë për tharje dhe stilim, furçë rrethore, ose tharëse, dhe një set bikutina.
Për më tepër, stilistët profesionistë ndajnë këshillat e tyre për përdorimin e këtyre mjeteve për volum maksimal.
Ja disa nga bikutinat më të mira për të patur onde voluminoze, pa nevojën e sallonit:
Bikutina keramike
Pse janë të mira: Këto bikutina shpërndajnë nxehtësinë në mënyrë të barabartë, prandaj flokët nuk digjen dhe dalin më të butë. Vijnë në tre madhësi, për të punuar pjesë të ndryshme të kokës, edhe qoshet apo flokët përpara. Nuk kanë nevojë për kapëse që t’i fiksosh.
Bikutina të vogla për udhëtime
Pse janë të mira: Seti ka 6 bikutina të vogla, të lehta për t’i marrë kudo me vete. Kapen vetë dhe shtojnë volum në të gjithë kokën pa kapëse shtesë.
Bikutina me kapje të butë për flokë të dendur
Pse janë të mira: Seti ka 18 bikutina, perfekt për flokë të gjatë dhe të dendur. Vijnë me madhësi të ndryshme për flokë të gjatë ose të shkurtër dhe krijojnë onde të bukura pa mundim.
Bikutina me ngrohje
Pse janë të mira: Këto bikutina japin volum të madh pa kohë tharjeje të gjatë. Kanë dy nivele nxehtësie dhe nuk të djegin gishtat. Vijnë me kasë për ruajtje dhe fikje automatike.
Bikutina pa nxehtësi për natën
Pse janë të mira: Këto bikutina ju lejojnë të flini dhe të zgjoheni me volum dhe onde të bukura. Materiali është i butë, nuk shkul flokët dhe vjen me mbajtës për t’i ruajtur gjatë natës.
Produkte ndihmëse
Flokët duhet të jenë të hidratuara mirë për të ruajtur stilin.
Shkuma, spraj ose maska pa shpëlarje ndihmojnë për rezultate më të qëndrueshme.
Vaji i flokëve ndihmon për përfundim të lëmuar.
