Shkruan: Drizan Shala
Në lidhje me deklarimin nga ana e ministrit të Mbrojtjes të shtetit rus, që janë të vrarë 103 shqiptarë në luftën që është duke u zhvilluar, duhet në rend të parë të mirret si informacion jo real dhe faktik sepse ekzistojnë një fakt i fortë që ky deklarim nuk qëndron:
- Shtetasit e Kosovës / Shqipërisë e kanë të ndaluar me ligj që të marrin pjesë në çfarë do aktiviteti ushtarak/paraushtarak në një organizatë apo ushtri të huaj.
- Ndërsa argument faktik tjetër është që ka shtetas shqiptar që kanë jetuar me vite në Ukrainë dhe kanë fituar nënshtetësinë e Ukrainës dhe lufta i ka zënë atje, dhe ku dihet që ekziston një vendim nga ana e Qeverisë së Ukrainës që çdo qytetar është i obliguar të luftojë për shtetin e tyre, e ku dihet që shqiptarët kanë krijuar një jete të re atje dhe luftojnë për pasurinë e tyre.
Pra, deklarata e ministrit rus në formën siç e ka përshkruar është që të krijojë një narracion jo real që ka “luftëtar” të ardhur nga trojet shqiptare për të luftuar si terrorista në përkrah Ukrainës.
Përmes kësaj Rusia tenton që në arenën ndërkombëtare të paraqitet Kosova dhe Shqipëria si uazë e “grupeve terroriste” dhe kështu të pengohet integrimi në arenën ndërkombëtare të rajonit të Ballkanit Perëndimor.
Ministria e Jashtme e Kosovës dhe Shqipërisë duhet sa më parë të dalin me një deklaratë e cila duhet të përgënjështrojë ministrinë e Rusisë me fakte dhe argumente, përmes një shkëmbimi të informacioneve me Ministrinë e Ukrainës, për pretendimet e tilla se këta shqiptarë kanë edhe nënshtetësinë e Ukrainës dhe hyrja e tyre në Ukrainë a është në fillim lufte apo me vite të tëra qëndrimi.
