UNESCO së fundmi zyrtarisht ka njohur gatimin italian, si një pikë referimi kulturor.
Njoftimi, i bërë të mërkurën gjatë asamblesë së organit kulturor të OKB-së në Delhi, do të thotë se kuzhina italiane – nga makaronat dhe mocarela te vera dhe tiramisu – do të shkruhet në listën e lakmuar të “trashëgimisë kulturore jomateriale”.
Italia tashmë ka të njohura edhe 21 tradita të tjera, përfshirë edhe artin e përgatitjes së picave napolitane dhe të këndimit në opera , dhe është vendi i parë që njihet për kuzhinën e tij në tërësi dhe jo për një traditë apo recetë të vetme.
Qeveria e Melonit filloi punën për të ndjekur njohjen nga UNESCO menjëherë pasi erdhi në pushtet në tetor 2022, duke paraqitur zyrtarisht kandidaturën e saj pesë muaj më vonë.
Kandidatura theksoi lidhjet midis ushqimit tradicional italian, kulturës dhe stilit të jetesës, duke e përshkruar atë si një ritual shoqëror miqësor që bashkon familjet dhe komunitetet.
Në njoftimin e saj, UNESCO e përshkroi kuzhinën italiane si një “përzierje kulturore dhe sociale të traditave kulinare” dhe një mënyrë për t’u “kujdesur për veten dhe të tjerët, për të shprehur dashurinë dhe për të rizbuluar rrënjët kulturore”, ndërkohë që u ofron komuniteteve një mundësi “për të ndarë historinë e tyre dhe për të përshkruar botën përreth tyre”, citon Guardian.
Një veprim i tillë pritet të shtoj numrin e vizitorëve në vend edhe më shumë.
