Me të arritur në sallë përshëndeti deputetët e tij.
Më pas edhe ministrat dhe ish-kryetarin e Kuvendit të Republikës së Kosovës, Glauk Konjufca.
Përveç kryeministrit në detyrë, Albin Kurti edhe ata të opozitës shfrytëzuan kohën për bisedime.
Në anën tjetër, para nisjes së seancës së 38-të për Konstituim të Kuvendit, lideri i AAK-së, Ramush Haradinaj shfrytëzoi rastin të bashkëbisedon me kryetarin e PDK-së, Memli Krasniqi.
Haradinaj pati një konsultim edhe me kryesuesin e Kuvendit të Kosovës, Avni Dehari i cili vjen nga radhët ë Lëvizjes Vetëvendosje.
Nuk vonoi shumë, ndryshe nga seancat e kaluara, kryesuesi më i vjetër Dehari, tha se për arsyeje të vendimit të Gjykatës Kushtetuese, thirri takim me të gjitha partitë politike.
“Përfaqësuesit e subjekteve politike, së bashku me përfaqësuesit e subjekteve politike, të mblidhemi në sallën N10 për një konsultim paraprak, ju lutem urdhëroni”, tha Dehari.
Ky konsultim që zgjati jo më shumë se 30 minuta, doli më një epilog.
“Pas aktgjykimit të Gjykatës Kushtetuese, që e mori dje sot u mblodhëm me përfaqësuesit e subjekteve politike për të bërë një konsultë paraprake. Të gjithë ishim të mendimit që seanca sot të ndërpritet pasi që të mbahet takimi i liderëve politik që është ftuar nga subjekti më i madh politik”.
Kryesuesi i Kuvendit, Avni Dehari seancën për konstituim e thirri pas 48 orësh, më 29.06.2025, në ora 11:00.
