Në fillim të punimeve të seancës së jashtëzakonshme plenare të Kuvendit të Kosovës, ligjvënësit miratuan plotësimin e vendimit të Kuvendit me numër 10-V-006, që ka të bëjë me përbërjen e komisioneve parlamentare.
Ndryshimet u votuan me 100 vota për, asnjë kundër dhe asnjë abstenim.
Gjatë seancës, subjektet politike paraqitën propozimet e tyre për përfaqësimin në komisionet parlamentare.
Lëvizja Vetëvendosje dhe Aleanca për Ardhmërinë e Kosovës propozuan deputetët të cilët do të japin kontributin e tyre në komisionet përkatëse, në përputhje me ndarjen e re të dakorduar.
