Kuvendi ka miratuar në lexim të dytë Ligjin për Zgjedhjet e Përgjithshme në Republikën e Kosovës.
79 deputetë kanë votuar për, ndërsa 3 kanë abstenuar.
Gjithsej në Kuvendin e Kosovës kanë qenë të pranishëm 82 deputetë.
Ndërkaq, me 85 vota për Kuvendi miratoi sot Projektligjin për ratifikimin e marrëveshjes financiare ndërmjet Kosovës dhe Bashkimit Evropian për programin IPA 2022.
Deputetët e Kuvendit në seancën e sotme miratuan edhe tri marrëveshje ndërkombëtare me Slloveninë.
Ata i dhanë dritë të gjelbër marrëveshjes me Slloveninë për zbatimin e ndërsjellë të aktgjykimeve në çështjet penale, mbi ekstradimin dhe për ndihmë të ndërsjellë juridike në çështje penale.
Deputetët miratuan edhe Projektligjin për aderimin në marrëveshjen për statusin dhe funksionet e Komisionit Ndërkombëtar për personat e zhdukur. Gjithashtu, Kuvendi miratoi edhe Deklaratën për antisemitizmin. /teve1.info/
