Në këtë vit, puna në Kuvendin e Kosovës u karakterizua me bojkotim të seancave dhe mungesë të kuorumit. Kjo bëri që shumë seanca të dështojnë, ndërsa skena të dhunës u panë edhe këtë vit në sallën plenare. Në vazhdim, ndjekim një kronikë përmbledhëse të punimeve në Kuvendin e Kosovës gjatë këtij viti.
Është ndër fjalët më të përdorura në sallën plenare.
Në këtë formë, përfunduan shumica e seancave në Kuvendin e Kosovës, gjatë vitit 2023.
Shkak për këtë, ishin mungesat e shumta të deputetëve në sallë.
E ai që po i prin listës së mungesave, është kryetari i LDK-së, Lumir Abdixhiku.
Ky i fundit gjatë vitit 2023 u pa vetëm 12 herë në sallë.
E pas Abdixhikut, mungesa më së shumti, kanë edhe dy liderë të partive të tjera opozitare.
Memli Krasniqi dhe Behgjet Pacolli, kanë plot 77 mungesa së bashku.
“Në kuptim të mungesave, deputetët që kanë më së shumti mungesa janë; Lumir Abdixhiku me 44 mungesa nga 56 seanca të numruara. Pasohet nga Behgjet Pacolli me 41 ndërsa deputetët Memli Krasniqi me 36 dhe Ardian Kastrati 34 e pasojnë këtë listë, krejt në fund është Saranda Bogujevci e cila ka 24 mungesa nga 56 seanca. Mirëpo Bogujevci dhe Kastrati kanë pasur disa arsyer shëndetesore”, tha Arbër Thaçi nga IKD.
E atëherë kur u panë në Kuvend, dy krerët e opozitës, fjalimet kryesisht i patën në drejtim të kryeministrit të Kosovës, Albin Kurtit.
Për të, nga foltorja e Kuvendit kishin edhe poezi.
“Sikur të takoheshim me vetveten sy më sy, do të putheshim apo kishim për t’u pështy”, tha deputeti i LDK-së, Lumir Abdixhiku.
Memli Krasniqi, deputet nga PDK
Naj fjalim në Kuvend
Por, debati pozitë e opozitë këtë vit nuk ishte vetëm verbal.
Seanca e 13 korrikut, ktheu edhe një herë dhunën në Kuvendin e Kosovës.
Fjalimin e shefit të ekzekutivit për Milan Radoiqiqin, e ndërpreu deputeti i PDK-së, Mërgim Lushtaku, i cili hodhi ujë në drejtim të kryeministrit.
Pas kësaj reagoi zëvendëskryeministri Bislimi.
E kjo bëri që të fillojë një përleshje në mes kabinetit qeveritar dhe deputetëve të Partisë Demokratike të Kosovës.
Ministri i Financave, Hekuran Murati mbeti pa syzet e tij nga goditja e deputetit, Hajdar Beqa.
E bashkëpartiaku i Kurtit, Armend Muja, në këtë mënyrë u hodh në mbrojtje të shefit të tij.
Këto skena bërë që Policia e Kosovës të futet në sallën plenare.
Kjo e fundit, imitoi kryeministrin, Albin Kuti, i cili shpërtheu në të qeshura.
Ganimete Musliu, deputete e PDK-së.
Ngjarjet e 24 shtatorit në Banjska të Zvecanit, sollën skena të reja në Kuvendin e Kosovës.
Nga PDK, u propozua një rezolutë për mbështetje financiare për Policinë e Kosovës, e cila nuk gjeti përkrahje nga shumica parlamentare.
Këta të fundit bojkotuan seancat në të cilat kjo rezolute u vu në rënd të ditës.
Më të njëjtën monedhë, opozita ia ktheu shumicës, pasi bojkotoi votimin e marrëveshjeve ndërkombëtare.
Në vitin 2023 u miratuan plot 71 projektligje, të cilat edhe këtë vit kaluan nga votimi me dorë, në mungesë të atij elektronik.
Ndërsa komisionet parlamentare në vitin 2023, mbajtën 358 mbledhje, e që është numër më i madh sesa i vitit paraprak.
